Lu malidicu ca mi maritavu PDF Stampa E-mail
Scritto da salvatore   
Lunedì 04 Ottobre 2010 20:45

 

Lu malidicu ca mi maritavu ( Ciccu Marta)
Brano raccolto da Salvatore Mirabile
Rielaborazione testo e melodia di S. Mirabile
Tempo 1/1 - Trascrizione musicale del 30/6/96
Canto eseguito da mio nonno e da mio padre.

la-                                                                            mi+ 
Lu malidicu ca mi maritavu, corpu di sangu a ccu nni parla beni. 
                                                                                          la-
doppu tri gghiorna chi mi naddunavu, mi naddunavu ch'era senza pila.
La-                                                    mi+
Me muggheri e' senza pila, senza pila di lavari 
                                                          la-
che ngrasciata o caminari cu lu cavuru chi c'e'.
( due volte )
la-                                                                               mi+
Quannu ci dicu pigghia un fazzulettu, circari nun si fida li casciuna 
                                                                                    la-
e pigghia li linzola di lu lettu, ca cchiu' ngrasciati riddi nun ci nn'e'.
la-                                                              mi+
Chi cunnanna, chi martiriu quannu veni a lu me latu 
                                                      la-
mi fa stari scuncirtatu cu lu cavuru che c'e'.
( due volte
la-                                                                                  mi+
Quannu s'assetta avanti u fucularu, ngranciari nun si fida na cipudda, 
                                                                                       la-
e curri allura, allura nno furnaru, pi un pistuluni i pani un veni cchiu'.
la-                                            mi+
Lu furnaru sapuritu la chitarra l'avi bona 
                                                   la-
ci la canta ci la sona do re mi fa sol la si.
( due volte )
la-                                                                         mi+
Quannu si susi prestu la matina pi ringhiri l'acqua a la funtana, 
                                                                              la-
si scorda di pigghiari la quartara e la so casa nun ritorna cchiu'.
la-                                                              mi+
Chi castigu chi disgrazia, me muggheri e' tutta pazza 
                                                                    la-
ma ci piaci lu curtigghiu pi sparrari a chistu e a chiddu.
( due volte )
la-                                                                              mi+
Quannu ci dicu lavati la sira, "m'annoia" m'arrispunni e si va curca 
                                                                                  la-
si vota e si rivota nta lu lettu e comu un lampu idda s'addummisci
la-                                                      mi+
comu a fari, vi lu giuru, me muggheri runfulia  
                                                           la-
e la notti nsonna a tutti, tutti tranni chi a mia.
( due volte )
la-                                                                              mi+
Mpiatta la pasta nta li piatta lordi e pi mangiari mangia cu li mani, 
                                                                    la-
e pi la grascia nta lu so fadali chiantari si ci po basilico'.
la-                                              mi+
Ciccu marta sapuritu la chitarra l'avi bona 
                                                    la-
ci la canta ci la sona, do re mi fa sol la si.

Ultimo aggiornamento Lunedì 04 Ottobre 2010 20:48
 

Attivita Toto Mirabile




Powered by Joomla!. Designed by: ThemZa themes ntc hosting Valid XHTML and CSS.